Advertisement
Advertisement
Advertisement

आज लुम्बिनीका मुख्यमन्त्री चौधरीले विश्वासको मत लिदै

लुम्बिनी प्रदेशका मुख्यमन्त्री डिल्लीबहादुर चौधरीले आज विश्वासको मत लिने तयारी गरेका छन् । त्यसका लागि आज प्रदेशसभाको बैठक बोलाइएको छ ।

Advertisement

आज दिउँसो ४ बजे बस्ने प्रदेशसभाको बैठकबाट चौधरीले विश्वासको मत लिने प्रदेश सरकारका प्रवक्ता सन्तोषकुमार पाण्डेयले जानकारी दिए ।

केन्द्रको सत्ता समीकरण फेरिएपछि कांग्रेसबाट मुख्यमन्त्री बनेका चौधरीले प्रदेश सरकारमा रहेका माओवादी केन्द्रका दुई मन्त्री बर्खास्त गरेका थिए । त्यसपछि माओवादीले फागुन २३ मा चौधरीलाई दिएको समर्थन फिर्ता लिएको थियो । समर्थन फिर्ता लिएको ३० दिनभित्र (चैत २२ भित्र) विश्वासको मत लिनुपर्ने संवैधानिक व्यवस्थाअनुसार उनले विश्वासको मत लिन लागेका हुन् ।

चौधरीले विश्वासको मत पाउने सम्भावना भने निकै कम देखिएको छ । उनले जसपालाई सरकारमा टिकाइराख्न खोजेका छन् भने अन्य साना दलसँग पनि कुराकानी गरिरहेका छन् ।

८७ सदस्यीय प्रदेशसभामा बहुमतका लागि ४४ सांसदको समर्थन आवश्यक पर्छ । ८७ सदस्यीय लुम्बिनी प्रदेशसभामा अहिले ८६ सदस्य छन् । त्यसमध्ये एमालेका २९, कांग्रेसका २७, माओवादीका सभामुखसहित ११, नागरिक उन्मुक्ति र जनमतका ४/४, राप्रपा, जनता समाजवादी र लोकतान्त्रिक समाजवादीका ३/३, राष्ट्रिय जनमोर्चा र एकीकृत समाजवादीका १/१ र स्वतन्त्रबाट १ सांसद छन् ।

नयाँ सत्ता गठबन्धनको भागवण्डाअनुसार लुम्बिनी प्रदेशको मुख्यमन्त्री माओवादीले पाउनेछ । माओवादीका जोखबहादुर महरा मुख्यमन्त्री बन्ने तयारी छ । रोल्पा क्षेत्र नम्बर १ (१) बाट निर्वाचित महराले सरकार गठनको आन्तरिक तयारी थालिसकेको उनीनिटक नेताहरू बताउँछन् ।

Advertisement
Advertisement
Advertisement
Advertisement
Advertisement
Advertisement

Leave a Reply

Your email address will not be published. Required fields are marked *