तुल्सीपुर, दाङ — नेपालको अग्रणी पूर्ण भिट्रिफाईड टायल ब्राण्ड लमिनारले दाङको तुल्सीपुर–५ मा नयाँ एम्पोरियो डिलर शोरुम सञ्चालनमा ल्याएको छ। शोरुम सिद्धार्थ मार्बल हाउस प्रा.लि.सँगको सहकार्यमा सुरु गरिएको हो।
शोरुम २५ वैशाख २०८३ मा उद्घाटन गरिएको हो। प्रिमियम टायलका लागि आयात र ठूला शहरमा निर्भर रहने अवस्थाबीच, अब त्यस्ता टायल स्थानीय बजारमै पनि उपलब्ध हुने कम्पनीले जनाएको छ।
लमिनारका टायल बर्दियास्थित कारखानामा उत्पादन हुन्छन् र नेपाल मानक (NS ६१७, पूर्ण भिट्रिफाईड टायल) अन्तर्गत पर्छन्। यस्तो टायल कम पानी सोस्ने र बलियो हुने भएकाले घर, होटल, कार्यालय तथा विभिन्न व्यावसायिक र सार्वजनिक प्रयोगका ठाउँमा प्रयोग गर्न मिल्ने कम्पनीले जनाएको छ।
तुल्सीपुर शोरुममा लमिनारका विभिन्न प्रकारका टायल उपलब्ध छन्। एन्टिब्याक्टेरियल सतह भएका टायल (GermSafe®), फुलबडी कलेक्सन (Cento) र विभिन्न सतहका टायल यहाँ पाइन्छन्। यस्तो सतह विभिन्न प्रयोगका लागि उपयुक्त हुने बताइएको छ, जसले विशेषगरी उच्च सरसफाइ आवश्यक हुने स्थानमा थप उपयोगिता दिन्छ।
शोरुमलाई घरधनी, ठेकेदार, आर्किटेक्ट र संस्थागत ग्राहकलाई लक्षित गरेर बनाइएको हो। यहाँ टायल छनोट गर्दा केवल देखिने पक्ष मात्र होइन, कहाँ प्रयोग गर्ने र कस्तो प्रयोगका लागि उपयुक्त हुन्छ भन्ने आधारमा निर्णय गर्न सकिन्छ।
लुम्बिनी सेरामिक्सका भाइस प्रेसिडेन्ट गौरव बस्नेतले भने,
“दाङमा बजार विस्तार हुँदै जाँदा गुणस्तरीय सामग्रीको पहुँच पनि क्रमशः बढिरहेको छ। यो शोरुमले त्यसलाई अझ व्यवस्थित बनाउने काम गर्छ।”
सिद्धार्थ मार्बल हाउस प्रा.लि.का निर्देशक राम बहादुर खड्काले भने, “ग्राहकको सोच बदलिँदै गएको छ। अहिले देखिने मात्र होइन, कति टिकाउ र भरपर्दो छ भन्ने कुरा पनि महत्त्वपूर्ण भएको छ। लमिनारले त्यो आवश्यकता पूरा गर्छ।”
लमिनारले देशभर एम्पोरियो शोरुम सञ्जाल विस्तार गर्दै टायललाई प्रयोगअनुसार बुझ्ने र छनोट गर्ने प्रक्रियालाई थप व्यवस्थित बनाउँदै लैजाने कम्पनीको लक्ष्य रहेको जनाएको छ।
