दाङ तुलसीपुरको एक पेट्रोल पम्पमा आगलागी हुदा एकजना घाइते

दाङको तुलसीपुर स्थित एक पेट्रोल पम्पमा ट्याङ्करबाट पेट्रोल खन्याउदा अगरबत्तीको रापले काउन्टरमा आगलागी हुँदा एकजना घाइते भएका छन ।

दाङको तुलसीपुर उपमहानगरपालिका–६ मेरो बजारस्थित तुलसी पेट्रोल पम्पमा आगलागी हुँदा पम्पका मेनेजर घाइते भएका छन्।

शनिबार बिहान करिब ५ः३० बजे रा १ ख २५५८ नम्बरको ट्याङ्करबाट पेट्रोल खन्याउने क्रममा अगरबत्तीको रापबाट काउन्टरमा आगलागी भएको प्रारम्भिक विवरण छ।

आगलागीबाट पेट्रोल पम्पका मेनेजर तुलसीपुर–६ निवासी ४२ वर्षीय हुकुम भण्डारीको हात, खुट्टा र अनुहार जलेको छ। उनको अवस्था मध्यम रहेको र राप्ती प्रादेशिक अस्पताल तुलसीपुरमा सामान्य उपचार पश्चात थप उपचारको लागी काठमाडौंको किर्तीपुर अस्पताल लगीएको छ ।
स्थानीयवासी र प्रहरीले फायर एक्सटिङ्गुइसरको प्रयोग गरी बिहान ५ः५० बजे आगो नियन्त्रणमा लिएका थिए।