दाङको तुलसीपुर उपमहानगरपालिका वडा नम्बर १० का अध्यक्ष यमराज केसीलाई पत्नी शोक परेको छ । उहाँको पत्नी पुष्पा केसीको ४३ वर्षको उमेरमा शुक्रबार (आज) बिहान ४ बजेतिर निधन भएको पारिवारिक स्रोतले जनाएको छ ।
लामो समयदेखि क्यान्सरबाट पिडित केसीको अल्पआयुमै निधन भएको हो । उहाँको आज बिहान ९ बजेतिर शितलपुर घाटमा अन्त्येष्टी गरिने भएको छ । केसीको निधनप्रति विभिन्न व्यक्ति तथा संघसंस्थाले दुख व्यक्त गर्दै समवेदना प्रकट गरेका छन् ।
पत्नी वियोगमा पर्नु भएका अध्यक्ष केसीले सामाजिक सञ्जाल फेसबुकमा लेख्नु भएको छ ‘‘हरेक प्रयासका बावजुद पनि तिमीलाई बचाउन सकिएन अहिले बिहान ४ ः२० मा तिमीले सदाका लागि यो संसार छोडेर गयौ माफ गर पुष्पा (सान्नानी) पुनर्जन्ममा फेरि भेट्ने मिठो सङ्कल्प सहित तिम्रो वैकुण्ठ बासको कामना गर्दछु।’’
Advertisement
Advertisement
Advertisement
Advertisement
Advertisement
Advertisement
