स्वर्गीय पशुपति हमालको स्मृतिमा आयोजना गरिएको दाङ जिल्ला स्तरीय प्रथम अन्तर विद्यालय मुटकोट प्रतियोगिता सफलतापूर्वक सम्पन्न भएको छ। प्रतियोगितामा ज्ञान ज्योति माध्यमिक विद्यालयका कानुन संकायका विद्यार्थीहरूले उत्कृष्ट प्रदर्शन गर्दै प्रथम र दोस्रो स्थान हासिल गर्न सफल भएका छन्।
प्रतियोगितामा सन्देश घर्ती मगर, सिता ओली र दिया के.सी.को समूहले प्रथम स्थान हासिल गरेको छ भने प्रमोद के.सी., साधना अधिकारी र पुष्पा ओलीको समूहले द्वितीय स्थान प्राप्त गरेका छन्।
त्यस्तै प्रतियोगिताभरि प्रभावशाली तर्क, स्पष्ट अभिव्यक्ति र आत्मविश्वासपूर्ण प्रस्तुतीकरणका कारण सन्देश घर्ती मगर ‘उत्कृष्ट वक्ता’ घोषित भएका छन्। स्थान प्राप्त गर्ने विद्यार्थीहरुले ट्रफी , प्रमाणपत्र र नगद प्राप्त गरेका छन ।
सहभागी विद्यार्थी, शिक्षक तथा अभिभावकहरूले प्रतियोगितालाई शैक्षिक र प्रेरणादायी रहेको प्रतिक्रिया दिएका छन्।
