मेष -गृहकार्य र पारिवारिक जिम्मेवारीमा समय बित्न सक्छ। मन केही भावुक हुने सम्भावना छ। पुराना सम्झनाले असर गर्न सक्छ। ध्यान केन्द्रित गर्नुपर्ने समय हो।
वृष-सञ्चारमा सहजता आउँछ। नयाँ कुरा सिक्न मन लाग्नेछ। छोटो यात्रा वा भाइबहिनीसँगको भेटघाट सुखद हुनेछ। आत्मविश्वास बढ्न सक्छ।
मिथुन-धनसम्बन्धी सोच-विचारमा समय बित्नेछ। खर्च र बचतको सन्तुलन मिलाउनु आवश्यक हुनेछ। मिठो बोलाइबाट काम बन्न सक्छ। आमा वा बुजुर्गको सल्लाह उपयोगी हुनेछ।
कर्कट-आत्मविश्वास बढ्नेछ। आफूलाई अभिव्यक्त गर्ने अवसर पाइनेछ। विचार स्पष्ट हुने समय हो। नयाँ सुरुवात वा सृजनात्मक कामको संकेत देखिन्छ।
सिंह-मन गम्भीर विषयमा आकर्षित हुनेछ। ध्यान वा साधनामा मन जान सक्छ। अरुले नबुझेको कुरा बुझ्ने क्षमता बढ्नेछ। एकान्त मन पर्ने दिन हो।
कन्या-साथीसंगी वा समूहसँग मिलेर काम गर्न उपयुक्त समय हो। रोकिएका काम अघि बढ्न सक्छन्। सामाजिक परिचय र सल्लाह लाभदायक बन्न सक्छ।
तुला-कामको मूल्यांकन हुनेछ। जिम्मेवारी पूरा गर्नुपर्छ। उच्च व्यक्तिहरूसँग कुराकानी हुन सक्छ। इमानदारीपूर्वक गरिएको कर्मले सफलता दिलाउनेछ।
वृश्चिक-अध्ययन, धर्म वा दर्शनप्रति रुचि बढ्नेछ। नयाँ कुरा सिक्ने इच्छा जाग्नेछ। बाहिरी यात्रा वा अध्ययनको अवसर आउन सक्छ। भाग्य बलियो देखिन्छ।
धनु-ध्यान दिनुपर्ने समय हो। स्वास्थ्य, ऋण वा पुराना सम्झौताप्रति गम्भीर बन्नु पर्नेछ। भावनाले होइन, विवेकले निर्णय गर्नु राम्रो हुन्छ।
मकर-सम्बन्ध र सहकार्यको विषयमा सन्तुलन आवश्यक छ। वैवाहिक जीवनमा संयमता आवश्यक देखिन्छ। साझेदारीको काममा सोचेर कदम चाल्नु उपयुक्त हुनेछ।
कुम्भ-काममा प्रतिस्पर्धा देखिन सक्छ तर सफलता सम्भव छ। स्वास्थ्यप्रति सजग रहनु राम्रो। दैनिक जीवनमा अनुशासन अपनाउनु आवश्यक हुनेछ।
मीन-सृजनात्मक कार्यमा रुचि बढ्नेछ। प्रेम सम्बन्धमा आत्मीयता देखिन्छ। सन्तानप्रति सन्तुष्टि मिल्न सक्छ। पढाइ वा सिर्जनामा उन्नति सम्भव छ।
माधवा शर्मा
ज्योतिषाचार्य तथा वास्तु विद्
9848060799
